Specialistët e Sektorit të Qarkullimit Rrugor arrestuan në flagrancë shtetasin E. Sh., 37 vjeç, banues në fshatin Rov, Maliq, pasi u kap në rrugën “Libonik-Plasë”, duke drejtuar automjetin, në gjendje të dehur.
Specialistët për Hetimin e Krimeve të Komisariatit të Policisë Korçë:
-referuan materialet në Prokurori, ku filloi procedimi penal për shtetasin G. M., 34 vjeç, banues në Korçë, pasi dyshohet se ka përndjekur ish-bashkëjetuesen e tij, e cila u pajis me urdhër mbrojtjeje;
-referuan materialet në Prokurori, ku filloi procedimi penal për shtetasin M. G., 38 vjeç, banues në Korçë, pasi dyshohet se ka kanosur nëpërmjet celularit, një 22-vjeçar;
-referuan materialet në Prokurori, ku filloi procedimi penal për një 15-vjeçar, banues në Korçë, pasi dyshohet se ka goditur me grushte dhe sende të forta, një 18-vjeçar.
