Nikolina Bode, mjeke psikiatre:
“Problematikat janë të hershme; ka probleme familjare dhe sociale. Një nga prindërit mungon, ndërsa babai ka histori dënimesh për vepra penale. Konflikti lidhet me faktin se policia ndërhyn shpesh në mënyrë të përsëritur. Fëmijët arsyetojnë që policia të mos vijë kur thirret nga nëna.
Vendosmëria e vajzës 13-vjeçare për të arritur qëllimin më shqetëson. Ajo nuk e përjeton emocionalisht ngjarjen, nuk ka frikën e humbjes së jetës dhe e përdor si kërcënim, që mund ta përsërisë. Problemi kryesor mbetet qëllimi i tentativave për vetëvrasje pa ndjerë asnjë pendesë.
E para është vetë nëna që është në kontakt me fëmijët e saj minorenë dhe është e frikshme që ky model të shihet nga fëmijët e tjerë të vegjël. Ata i japin të drejtë motrës për këtë veprim, por nuk duan ta humbin.
13-vjeçarja thotë: ‘Unë e dua lagjen’, por për konflikte të vogla e të parëndësishme, hyjnë në lojë të mëdhenjtë dhe njoftimi i policisë nga ana e nënës bën që ajo të kryejë atë veprim.”
