Korça, qyteti i dritave… të fikura!
Një tjetër jetë u shua mbrëmë në rrugën e Voskopojës, një grua me biçikletë e përplasur për vdekje.
Po rruga? Errësirë.
Sinjalistika? Zero.
Premtime? Plot.
Korça Plus e ka publikuar me dhjetëra herë problematikën e këtij aksi rrugor, por edhe pse media që zëri është më i fortë se banori, Bashkia Korçë ka injoruar dhe ka zgjedhur të ndezë dritat vetëm nëpër festivalet e parkut “Rinia” apo në Festën e Birrës dhe në qendër, pra aty ku bëhen fotot për story Instagram, ndërsa në periferi, njerëzit të përplasen, të vdesin, e pastaj “faji” mbetet jetim…
Të mos bëjmë rolin e budallait dhe ju patronazhistët e partisë, Bashkisë dhe drejtuesve të institucioneve përkatëse si ARRSH, nuk iu bëhet vonë fare, e kanë më kollaj të vendosin ndriçues dekorativë nëpër pemë sa për sy e faqe, se sa të shpëtojnë jetë njerëzish…
Dhe kështu, çdo vit kemi më shumë lapidarë në rrugë, se sa llamba funksionale.
Në fund, tragjeditë nuk i shkakton vetëm një shofer, i shkakton edhe errësira e atyre që qeverisin qytetin!
