Drejtoria Vendore për Kufirin dhe Migracionin Korçë ka bërë të ditur shifrat e lëvizjeve të qytetarëve në pikat kryesore të kalimit kufitar gjatë ditës së djeshme, ku është shënuar një fluks i lartë hyrjesh dhe dalje-sh.
Sipas njoftimit zyrtar:
“Për datën 16.08.2025, në pikën e kalimit kufitar të Kapshticës kanë hyrë 5205 shtetas dhe kanë dalë 6291 shtetas, ndërsa në pikën e kalimit kufitar të Qafë-Thanës kanë hyrë 5388 shtetas dhe kanë dalë 4442 shtetas.”
Ky fluks i lartë lëvizjesh shpjegohet kryesisht me sezonin veror dhe kthimin e emigrantëve shqiptarë për pushime, por edhe me turistët që shfrytëzojnë këto pika kufitare për të hyrë e dalë nga vendi.
Autoritetet kufitare theksojnë se po punohet me kapacitete të plota dhe me procedura të përshpejtuara për të shmangur vonesat dhe pritjet e gjata në sportele.
