- Advertisement -
Një aksident rrugor ka ndodhur në afërsi të fshatit Symizë, ku tre automjete janë përplasur me njëra-tjetrën. Sipas informacioneve paraprake, dy persona kanë mbetur të plagosur dhe janë transportuar me urgjencë drejt Spitalit Rajonal të Korçës.
Ende nuk dihen shkaqet e aksidentit, ndërsa forcat e policisë kanë mbërritur në vendin e ngjarjes dhe kanë nisur hetimet për të zbardhur rrethanat.
Burime nga spitali bëjnë me dije se të plagosurit kanë pësuar dëmtime trupore, por ndodhen jashtë rrezikut për jetën.
