Policia e Korçës ka referuar në Prokurori dy raste të veçanta të shkeljes së ligjit, që lidhen me veprimtari ekonomike të paregjistruar dhe drejtim automjeti pa leje nga një i mitur. Si rezultat, ndaj dy shtetasve ka nisur procedimi penal.
Sipas njoftimit zyrtar të Policisë:
“Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasin D. A., 32 vjeç, banues në Korçë, pasi gjatë kontrollit të ushtruar në aktivitetin e tij u konstatua se e ushtronte aktivitetin pa e regjistruar në organet kompetente.
Specialistët e Sektorit të Qarkullimit Rrugor referuan materialet në Prokurori, ku filloi procedimi penal për një 17-vjeçar, pasi u kap duke drejtuar automjetin pa leje drejtimi.”
Materialet procedurale i janë kaluar Prokurorisë pranë Gjykatës së Shkallës së Parë Korçë për veprime të mëtejshme, ndërkohë që Policia apelon për respektimin e ligjit dhe rregullave të qarkullimit rrugor, si dhe formalizimin e çdo aktiviteti tregtar.
