- Advertisement -
Një aksident rrugor ka ndodhur në afërsi të fshatit Çiflig në Korçë. Sipas informacioneve paraprake, në aksident janë përfshirë dy automjete, ndërsa si pasojë është lënduar një person, i cili është transportuar me urgjencë drejt Spitalit Rajonal të Korçës.
Fatmirësisht, burime mjekësore bëjnë me dije se i lënduari ndodhet jashtë rrezikut për jetën. Ndërkohë, nga përplasja janë shkaktuar dëme të konsiderueshme materiale në të dy automjetet.
Në vendngjarje ndodhet Policia Rrugore, e cila po punon për sqarimin e plotë të shkaqeve dhe rrethanave të këtij aksidenti.
