Një aksident rrugor është regjistruar në aksin nacional Korçë–Kapshticë, në afërsi të fshatit Çangonj, në bashkinë Devoll. Sipas informacioneve paraprake, dy mjete janë përplasur me njëri-tjetrin, ndërsa nuk raportohet për të plagosur.
Në vendin e ngjarjes ka mbërritur forcat e Policisë dhe autoambulanca, të cilat bënë ndërhyrjet e para për ndihmën ndaj të dëmtuarve dhe për zbardhjen e rrethanave të aksidentit.
Burime jozyrtare bëjnë me dije se shpejtësia tej normave të lejuara mund të ketë qenë shkak i aksidentit, ndërkohë që zona ku ndodhi ngjarja njihet prej kohësh si një “njollë e zezë” për aksidente rrugore, për shkak të sinjalistikës së dobët dhe mungesës së kontrollit të shpejtësisë.
Policia po vijon hetimet për të sqaruar dinamikën dhe përgjegjësitë e këtij aksidenti, ndërsa priten detaje të mëtejshme në orët në vijim.
