Një ngjarje e pazakontë është regjistruar në qytetin e Pogradecit, ku një 55-vjeçar është proceduar penalisht pasi dyshohet se ka vjedhur një çantë me vegla pune të një qytetari tjetër. Ngjarja ka ndodhur në një zonë të frekuentuar të qytetit, ndërsa Policia e Pogradecit ka ndërhyrë menjëherë pas kallëzimit të bërë nga i demtuari, një 62-vjeçar banues në të njëjtin qytet.
“Specialistët për Hetimin e Krimeve të Komisariatit të Policisë Pogradec referuan materialet në Prokurori, ku filloi procedimi penal për shtetasin A. H., 55 vjeç, banues në Pogradec, pasi dyshohet se i ka vjedhur një çantë me vegla pune, një 62-vjeçari.”
Materialet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për hetime të mëtejshme, ndërsa Policia e Pogradecit njofton se do të vijojë kontrollet dhe patrullimet për të parandaluar raste të ngjashme dhe për të garantuar rendin dhe sigurinë në qytet.
