Një ngjarje e rëndë e dhunës në familje është regjistruar në Korçë, ku një 42-vjeçar është arrestuar nga policia për ushtrim dhune ndaj babait të tij, i cili ishte i pajisur me urdhër mbrojtjeje.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin D. A., 42 vjeç, banues në Korçë, pasi dyshohet se ka ushtruar dhunë ndaj babait të tij, i cili është i pajisur me urdhër mbrojtjeje.”
Ky rast shton shqetësimin për rritjen e dhunës në familje në Qarkun e Korçës. Sipas të dhënave të publikuara më parë, vetëm në dy muajt e fundit janë regjistruar 122 raste të dhunës në familje, duke përfshirë 132 persona të prekur nga ky fenomen. Pavarësisht kuadrit ligjor ekzistues për mbrojtjen nga dhuna në familje, numri i rasteve të raportuara vazhdon të jetë i lartë.
