Pogradec – Procedim penal ndaj një shtetasi për transport të paligjshëm të lëndës drusore
Specialistët për Hetimin e Krimeve në Komisariatin e Policisë Pogradec kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Korçë, ku ka nisur procedimi penal për shtetasin Gj. B., 36 vjeç, banues në Pogradec.
Sipas njoftimit zyrtar të policisë, shtetasi në fjalë u kap në flagrancë duke transportuar 4 metër kub lëndë drusore pa lejen përkatëse. Lënda drusore është sekuestruar në cilësinë e provës materiale.
Njoftimi i Policisë së Shtetit:
“Specialistët për Hetimin e Krimeve në Komisariatin e Policisë Pogradec referuan materialet në Prokurori, ku filloi procedimi penal për shtetasin Gj. B., 36 vjeç, banues në Pogradec, pasi u kap duke transportuar 4 m³ lëndë drusore pa leje. Lënda drusore u sekuestrua në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.”
