Një aksident rrugor është regjistruar pasditen e sotme në afërsi të fshatit Bulgarec, në Korçë. Sipas informacioneve paraprake, një automjet ka përplasur një këmbësore, e cila është transportuar me urgjencë drejt Spitalit Rajonal të Korçës.
Ende nuk dihen rrethanat e sakta të aksidentit dhe as gjendja shëndetësore e të dëmtuarës. Policia ka mbërritur në vendngjarje dhe ka nisur hetimet për zbardhjen e plotë të saj.

