Kandidati i opozitës për deputet, Gentian Çala shkruan: Fermerët e Devollit, Maliqit dhe gjithë Qarkut, të braktisur nga shteti!
Çdo ditë dëgjojmë zërat e fermerëve të Devollit dhe Maliqit, të cilët luftojnë me sakrifica të mëdha për të mbajtur familjet e tyre. Ata që mbajnë gjallë ekonominë dhe tryezat tona janë lënë në mëshirë të fatit nga një qeveri që i ka harruar.
*Subvencionet mungojnë* .
*Kostoja e prodhimit rritet vazhdimisht.*
*Eksportet janë peng i burokracisë dhe mungesës së tregjeve* .
*Produktet e huaja mbushin tregun tonë padrejtësisht* .
Ndërsa fermerët vuajnë, qeveria qëndron indiferente! Nuk ka politika të qarta, nuk ka mbështetje reale dhe nuk ka asnjë zgjidhje për problemet e tyre. A do të vazhdojmë të shohim si shkatërrohet bujqësia dhe blegtoria, ndërsa produktet e huaja mbushin tregun tonë?
Unë jam me fermerët! Bashkë do ta bëjmë zërin tonë të dëgjohet. Është koha për një ndryshim të vërtetë!
