Pogradec/ Me ceremoni kremtohet dita e flamurit. Nënkryetarja Gusho: “ Ta duam Shqipërinë dhe të mos e braktisim atë”

Në kuadër të festave të 28-29 Nëntorit, Flamuri kuq e zi është ngritur me nder në qytetin e Pogradecit. Pjesëmarrës të shumtë ishin pjesë e këtij aktiviteti për nder të Pavarësisë së kombit shqiptar, mes tyre edhe disa vizitorë nga Kosova, të cilët urojnë festat dhe tregojnë se çdo vit, në këtë ditë të shënuar, vijnë në Shqipëri për të parë atmosferën magjike të festave kuq e zi.

Ndërkohë, nënkryetarja e bashkisë, Entela Gusho, shprehet e emocionuar për këtë festë, ndërkohë që tregon se aktivitetet e planifikuara për këto dy ditë vazhdojnë edhe ditën e nesërme.

Ditën e nesërme, aktiviteti do të vazhdojë me vendosjen e kurorave në varret e dëshmorëve dhe me një aktivitet solemn.