Të përndjekurit politikë dhe përfaqësuesit e Partisë Demokratike, ditën e sotme, kanë zhvilluar të veçanta kremtimet për 28 Nëntorin, ndryshe nga të majtët e Pogradecit, të cilët zhvilluan ceremoninë përpara bashkisë së Pogradecit. Demokratët kryen homazhe në varrezat e martirëve në Pogradec.
Kreu i Shoqatës Antikomuniste, Et’hem Fezollari, foli për gjendjen në të cilën ndodhen ish-të dënuarit politikë, ndërsa dha edhe arsyen se pse ky aktivitet zhvillohet pikërisht më 28 Nëntor.
Ndërkohë, pjesë e homazheve tek varrezat e martirëve ishte edhe Genti Çela, kryetari i PD-së në Pogradec, i cili shprehu urimet, por nuk komentoi arsyet pse ceremonitë nuk u zhvilluan së bashku me rivalët politikë.
Prej 5 vitesh radhazi, 28 Nëntori kremtohet i ndarë ndërmjet partive politike në Pogradec. Ndërkaq, aktivitetet për 28-29 Nëntorin pritet të vazhdojnë edhe ditën e nesërme.
