Në Pogradec është zhvilluar takimi i radhës i Komitetit të Menaxhimit të Zonave të Mbrojtura Mjedisore për “Peisazhin e Mbrojtur Tokësor dhe Ujor”, i thirrur nga prefekti i qarkut të Korçës, Nertil Jole.
Jole ka kërkuar nga të gjitha institucionet përgjegjëse marrjen e masave të nevojshme për miradministrimin e zonave të mbrojtura, të cilat janë një pasuri unike e natyrës së bukur të qarkut, dhe që shtojnë potencialin turistik të Pogradecit dhe të gjithë rajonit.
Gjithashtu, Drejtori i Administratës Rajonale të Zonave të Mbrojtura, Gjergji Koki, prezantoi punën e kësaj drejtorie, duke përmendur arritjet e realizuara dhe problematikat e hasura.
Në takim u theksua edhe domosdoshmëria e gjetjes së burimeve alternative për hartimin e Planeve të Menaxhimit për zonat e shpallura të mbrojtura. Pjesë e mbledhjes ishte edhe Drejtoresha e Përgjithshme e Agjencisë Kombëtare të Zonave të Mbrojtura, Daniel Pirushi.
