- Advertisement -
Gjatë orëve të pasdites në qytetin e Pogradecit, një stuhi e cila zgjati për rreth 40 minuta solli reshje të shumta shiu dhe erë të fortë. Si pasojë e saj, u vështirësua për disa minuta qarkullimi, ku automjetet në aksin rrugor Korçë – Pogradec u detyruan të qarkullojnë me shpejtësi të limituar. Sipas burimeve, mësohet se stuhia krijoi probleme të vogla, mes tyre pemë të thyera në njësinë Administrative Buçimas. Ndërkaq, reshjet e shiut janë zhvendosur në zona të tjera të juglindjes së vendit. Momentalisht situata paraqitet e qetë.
