Shkruan Nertil Jole: Komiteti Rajonal i Zhvillimit të Turizmit u mblodh sot në Lin të Pogradecit.
Rajoni ynë përbën një pjesë mjaft të rëndësishme të destinacioneve turistike në vend. Korça është tashmë e vizituar në çdo stinë, Pogradeci është i lidhur më së shumti me turizmin veror, ndërkohë që interesi i vizitorëve po orientohet edhe drejt natyrës e klimës malore të Kolonjës, Maliqit, Pustecit, por edhe Devollit.
Viti 2023, ka qënë qenë vit shumë i suksesshëm për sektorin e turizmit në të gjithë Shqipërinë por edhe në qarkun Korçë. Statistikat dhe numri i turistëve e tregojnë këtë fare qartë. Ndërkohë që të dhënat për vitin 2023 dhe 2024 tregojnë se në 4 muajt e parë të vitit 2024, krahasuar me 4 muajt e parë të vitit 2023, nga të dhënat e pikave të kalimit kufitar ka mesatarisht 60% më shumë vizitorë vendas e të huaj.
Gjatë takimit u bë një vlerësim për bashkëpunimin institucional, u diskutuan detyrat që dalin për këtë sezon turistik.
Në fjalën time kërkova nga përfaqësuesit institucionalë zbatimin e detyrave në Urdhërin e Kryeministrit për ngritjen e Task-Forcës Ndërinstitucionale të Sezonit Turistik Veror 2024, si dhe më shumë punë për promovimin e destinacioneve turistike, produkteve dhe diversifikimin e ofertës turistike.
Sezoni turistik sapo ka filluar dhe rajoni ynë duhet të jetë mikpritës për shumë vizitorë e turistë nga vendi dhe gjithë bota.
