KF Maliqi-KF Pogradeci. Pogradeci fiton kundrejt Maliqit me rezultatin 2 me 0.
Pogradeci fiton mes tensionit derbin në fushën e Maliqit dhe i afrohet me një pikë diferencë Luftëtarit kryesues.
Ekipi i Pogradecit ka fituar me rezultatin 0-2 derbin në transfertë me Maliqin, në një sfidë të tensionuar nga fillimi deri në fund të takimit.
Golat u shënuan në pjesën e dytë, pasi Maliqi ishte ‘paralajmëruar’ që në të parën me akordimin e dy penalltive në favor të liqenorëve dhe daljen e portierit të tyre me karton të kuq. I demoralizuar nga këto ndëshkime, ekipi maliqar që ishte gati të tërhiqej nga fusha, nuk kishte si të mos thyej nga kundërshtari në superiotitet numerik që kërkonte me çdo kusht fitoren.
Pogradeci me këto tre pikë të siguruara mes tensionit në fushën e Maliqit, arrin në kuotën e 30 pikëve, një më pak se Luftëtari, por gjthashtu edhe me një ndeshje më pak të paluajtur me Këlcyrën.
