Maliqi thyhet pas ‘masakrimit’ me dy penallti të akorduara dhe daljen me të kuq të portietit, liqenorët arrijnë avantazhin.
Klubi dhe ekipi i Maliqit janë ndier të masakruar nga gjykimi i ndeshjes të luajtur në fushën e tyre ndaj Pogradecit.
Dy penallti u dhanë në favor të Pogradecit, por që nuk u realizuan, dhe si të mos mjaftonin këto vendime që irrituan tifozerinë vendase, erdhi kartoni i kuq për portierin e Maliqit në fundin e pjesës së parë!
Këto qëndrime të kryesorit Mikele Dyrmishi u konsideruan një turp dhe prej kamikazi nga klubi i Maliqit. Me fillimin e pjesës së dytë Pogradeci ja doli të kalonte në avantazh në këtë sfidë të tensionuar.
Gjykimi i ndeshjes i konsideruar si skandaloz bëri që ekipi i Maliqit të tërhiqej për disa minuta nga loja por e rifilloi atë në pjesën e dytë për të shmangur penalizimet nga Federata.
