Këshilli Bashkiak Devoll ka aprovuar një paketë fiskale të re për vitin 2024, e cila synon të ofrojë lehtësira dhe avantazhe për nismat e bizneseve të reja, sidomos ato të komunitetit rom. Nënvizojmë se këto lehtësira do të aplikohen vetëm gjatë vitit të parë të funksionimit të një biznesi të ri.
Nënkryetarja e Bashkisë, Eliverta Pavliqoti, shprehet se ky vendim ka karakter inkurajues për hapjen e bizneseve të reja dhe është një përpjekje për të ulur barrën ekonomike për familjet e komunitetit rom.
Taksat dhe tarifat vendore, përveç atyre të përcaktuara për lehtësirat e biznesit të ri dhe përjashtimet për vitin e parë, do të mbeten në nivelet e njëjta me vitin e kaluar. Në paketën fiskale të vitit 2024, do të ketë gjithashtu një përjashtim nga tarifat lokale për pensionistët kryefamiljarë dhe personat me aftësi të kufizuara.
