- Advertisement -
Kur mendon rreth projektit teorik dhe mbështetjen faktike të K.F Pogradeci për të afirmuar sporistët e rinj duket sa tragjike aq edhe komike.
Sepse realiteti është krejt ndryshe.
Por le t’i marrim me rradhë dhe të shohim sa po i mbështet K.F Pogradeci futbollistët e akademisë dhe lojtarët pogradecarë.
- Albi Bega (22-vjeç) u detyrua të largohej tek Devolli i ndodhur në presion të vazhdueshëm.
- Mariel Angjeli (17-vjeç) një talent për moshën e vet të cilin po e gënjejnë prej 6 muajsh se do i lidhin rrogë dhe me gjasë do e detyrojnë të largohet.
- Klesti Blacëri (20-vjeç) lojtar i akademisë të Pogradecit dhe Tiranës i larguar pak ditë më parë për te ekipi i Maliqit.
- Rajan Lipo (19-vjeç) dhe 5. Euxhenio Torollari (19-vjeç) dy talente të cilët nuk kanë as 90 minuta në total me ekipin e parë.
- Jurgen Likollari (20-vjeç) ishte një nga talentet më premtues të akademisë, luajti në Rumani për një sezon dhe me dëshirën e madhe që kishte për të luajtur për qytetin e lindjes sakrifikoi duke ndërprerë dhe studimet në Rumani. Por fundi dihet, edhe këtij iu tregua rruga.
E kuptoni tani sa mbështen dhe sa dashamirës janë pogradecarët për pogradecarët?!
Asnjë njeri që merr vesh pak nga sporti nuk mund të gëzohet vetëm me ngjitjen një kategori më lart nëqoftëse prishim strukturën e ekipit dhe nuk mbështesim prodhimin vendas pasi ata janë siguria, bukuria dhe e ardhmja e futbollit pogradecar.
Shkruan: KF Kalaja
