- Advertisement -
Policia Rrugore në Pogradec ka filluar fushatën e gjobave për automjetet të cilat nuk parkojnë korrekt në zonën e aksit përpara Bashkisë Pogradec. Është bërë tashmë e udhës që “të fortët” e Pogradecit të parkojnë si të duan, ku vetëm ditën e djeshme një ambulancë por edhe një autobus u bllokuan për afro 20 minuta për shkak të parkimit të keq. Në zonën pranë bashkisë mjetet parkohen në mënyrë të tillë që zenë rrugën.
Në këto kushte policia ka vendosur qindra gjoba brënda një dite dhe sipas informacioneve do të vazhdojë të vendosi. Prandaj i behet thirrje shoferëve të parkojnë me kujdes, pasi mund të gjobiten.
