“Ethet” e merkatos kanë filluar ende pa u mbyllur dy fazat e para dhe pa u hapur merkatoja, teksa duhen edhe dy ndeshje dhe më pas do të flitet për lëvizjet.
Për momentin është mësuar nga “Korça Boom” se korçarët do të jenë në qendër të ofertave “marramendëse” për tre futbollistë të Skënderebut.
Kjo do të jetë një pikë e fortë përsa i përket dhe sigurimit të të ardhurave për këtë ekip. Korçarët e kanë në filozofinë e tyre që të afrojnë futbollistë të talentuar, t’i bëjnë gati dhe më pas t’u japin mundësi edhe për një kërcim të madh.
Për tre futbollistët kanë filluar bisedimet e merkatos në dalje dhe ne kemi mundur të mësojmë se janë disa ekipe nga jashtë kampionatit shqiptar që kanë filluar të afrojnë edhe shumat e tyre për këta tre futbollistë, që edhe pse kemi mësuar emrat, pritet që të vijë edhe konfirmimi nga ana e klubit korçar dhe më pas t’i bëjmë zyrtare.
