- Advertisement -
Korçë/ Një operacion i befasishëm i Forcave Operacionale të Policisë së Shtetit ka çuar në prangosjen e 43-vjeçarit Ramadan Zoto. Burime policore bëjnë me dije se gjatë arrestimit, të ndaluarit iu gjet një pistoletë me fishek në fole, të gatshme për përdorim.
Operacioni u zhvillua për llogari të Drejtorisë Vendore të Policisë Vlorë, ndërsa për shkak të rrezikshmërisë së lartë të të ndaluarit, ndërhyrja u krye nga strukturat speciale.
Ndërkohë, burimet shtojnë se në Korçë vijon ende aksioni policor, ku pritet të ketë edhe shoqërime të tjera të personave të dyshuar të lidhur me këtë rast.
Hetimet për rastin janë në zhvillim, ndërsa policia nuk ka dhënë ende një njoftim zyrtar mbi detajet e operacionit.
