Devoll, dy konflikte brenda një dite, Policia procedon penalisht tre persona
Tre persona janë proceduar penalisht në Devoll, si pasojë e dy konflikteve të ndryshme që ndodhën gjatë ditës së sotme.
Policia e Devollit në një njoftim zyrtar bën të ditur se:
“Specialistët për Hetimin e Krimeve të Komisariatit të Policisë Devoll referuan materialet në Prokurori, ku filloi procedimi penal për shtetasit:
K. K., 54 vjeç dhe D. B., 43 vjeç, banues në Devoll, pasi janë konfliktuar me njëri-tjetrin, për motive të dobëta;
F. M., 23 vjeç, banues në Tresenik, pasi dyshohet se ka goditur me mjet prerës (thikë), në këmbë, një 39-vjeçar, për motive të dobëta. 39-vjeçari, mori mjekim dhe është jashtë rrezikut për jetën.”
Materialet hetimore për të dy rastet janë dërguar në Prokurorinë e Korçës për veprime të mëtejshme.
