- Advertisement -
Një konflikt për motive të dobëta ka çuar në procedim penal dy persona nga fshati Mborje në Korçë.
Policia e Korçës konfirmoi zyrtarisht se specialistët për Hetimin e Krimeve referuan materialet në Prokurori, duke nisur procedimin penal për dy shtetasit e përfshirë në konflikt.
Sipas njoftimit të Policisë:
“Specialistët për Hetimin e Krimeve të Komisariatit të Policisë Korçë referuan materialet në Prokurori, ku filloi procedimi penal për shtetasit: K. K., 34 vjeç, dhe M. P., 39 vjeç, banues në Mborje, pasi dyshohet se janë konfliktuar me njëri-tjetrin, për motive të dobëta.”
Materialet e rastit janë dërguar në Prokurorinë e Korçës për hetime të mëtejshme.
