Dhuna ndaj të miturit dhe transportimi ilegal i druve, dy persona nën hetim në Maliq
Dy persona janë proceduar penalisht nga Policia e Maliqit në dy raste të ndryshme të regjistruara së fundmi në këtë zonë.
Në një njoftim zyrtar, Komisariati i Policisë Maliq sqaron se:
“Specialistët për Hetimin e Krimeve të Komisariatit të Policisë Maliq referuan materialet në Prokurori, ku filloi procedimi penal për shtetasit:
F. Xh., 32 vjeçe, banuese në Orman, pasi dyshohet se ka ushtruar dhunë ndaj djalit të saj të mitur;
M. B., banues në Maliq, pasi u kap duke transportuar 2 m³ lëndë drusore të prerë në kundërshtim me ligjin. Lënda drusore u sekuestrua në cilësinë e provës materiale.”
Tashmë materialet për këto raste i kanë kaluar Prokurorisë së Korçës, e cila do të vijojë hetimet për secilin prej tyre.
