- Advertisement -
Plagosje me thikë në fshatin Bulgarec të Korçës. Të përfshirë në konflikt mësohet se janë disa të rinj, ku njëri prej tyre, 17 vjeç, ka mbetur i plagosur me thikë. Sipas të dhënave paraprake, sherri ka ndodhur për motive banale, ndërsa autori është kapur nga policia.
Autori mësohet se është rreth 18 vjeç dhe është shoqëruar në ambientet e Komisariatit të Policisë Korçë. I plagosuri ndodhet në spital, pasi ka marrë plagë në trup, në pjesën poshtë krahut. Gjendja e tij është stabël dhe ndodhet në kujdesin e mjekëve.
Policia po vijon hetimet lidhur me ngjarjen. Plagosja mësohet se ka ndodhur në një lokal në fshat.
