- Advertisement -
Edhe këtë 2 janar, Pogradeci zgjohet më i heshtur se zakonisht. Rrugët kryesore të qytetit paraqiten të zbrazëta, me lëvizje të pakta qytetarësh dhe një qetësi që pasqyron fundin e festave të fundvitit. Qepenat e mbyllur të shumë bizneseve japin sinjalin e një pauze të përkohshme, pas ditëve të ngarkuara të dhjetorit.
Në aktivitet mbeten kryesisht bizneset e shërbimeve, farmacitë dhe disa njësi të vogla tregtare, të cilat vijojnë të shërbejnë për nevojat bazë të qytetarëve. Për pjesën tjetër, Pogradeci duket se ka zgjedhur të marrë frymë ngadalë, duke u përgatitur për rikthimin gradual të ritmit të përditshëm në ditët në vijim.
