- Advertisement -
Vetëm një ditë pas shembjes së një masivi shkëmbor dhe dherave në aksin rrugor Qukës–Qafë Plloçë, autoritetet kontraktore kanë nisur sot punimet për fortifikimin e mureve anësore dhe vendosjen e rrjetave mbrojtëse në zonën ku ndodhi rrëshqitja.
Që prej mëngjesit, ekipet e punës kanë bërë të mundur pastrimin e një pjese të inerteve, të cilat kishin zënë njërën nga tre korsitë e rrugës. Megjithatë, edhe në segmente të tjera të këtij aksi paraqitet rrezik për rrëshqitje dheu, për shkak të përbërjes strukturore dhe gjeologjisë së zonës. Ky aks rrugor u inaugurua vetëm 28 ditë më parë.
