Sindikatat Rajonale zgjedhin drejtimin e ri: Llazi Kërxhalli në krye të Korçës…

Kongresi i Sindikatës Rajonale Korçë është mbledhur në Pogradec duke zhvilluar punimet e tij me delegatë nga degët e sindikatave të Korçës, Elbasanit dhe Pogradecit. Në një sallë të mbushur me përfaqësues të sindikatave në sektorët çelës të jetës së vendit, si arsimi, policia, zjarrëfiksat, minatorët etj., është theksuar e veçanta e Sindikatës Rajonale Korçë, funksionimi i saj nga poshtë dmth. nga baza dhe jo sikurse simotrat e saj që marrin urdhëra nga lart. BSPSH i themeluar në vitin 1992, si një zë opozitar kundër sistemit diktatorial që kaloi Shqipëria, nuk përmbushi dot misonin e tij. Sindikata Rajonale Korçë vjen në ditët tona më e fortë dhe më aktive, pasi do të jetë imazhi mbrojtës i çdo punonjësi. Në fund të punimeve të kongresit, President i Sindikatës Rajonale Korçë u zgjodh Llazi Kërxhalli.