- Advertisement -
Një ngjarje e rëndë është shënuar mbrëmjen e sotme në qytetin e Korçës. Sipas informacioneve paraprake, një konflikt mes dy grupe personash ka përfunduar me përdorimin e armëve të ftohta.
Ngjarja ka ndodhur në një lokal në zonën e parkut të qytetit, ku nga përplasja kanë mbetur të plagosur tre shtetas. Të dëmtuarit janë dërguar në spitalin e Korçës për të marrë ndihmë mjekësore, ndërsa mësohet se njëri prej tyre ka marrë plagë në pjesën e gjoksit.
Sherri dyshohet se ka nisur për motive banale, ndërsa në konflikt kanë qenë të përfshirë më shumë se tre persona. Policia ndodhet në vendngjarje dhe ka nisur hetimet për sqarimin e plotë të rrethanave dhe identifikimin e të gjithë autorëve të përfshirë.
Priten detaje të tjera në vijim.
