Pogradec – Shtetas italian pëson aksident me motor, jashtë rrezikut për jetën
Një aksident rrugor është regjistruar këtë të hënë në Pogradec, ku një shtetas italian ka mbetur i lënduar pasi është rrëzuar me motorin që po drejtonte. Sipas të dhënave zyrtare të Policisë së Shtetit, ngjarja ka ndodhur rreth orës 13:10.
Pogradec/Informacion paraprak
Rreth orës 13:10, shtetasi italian E. B., 52 vjeç, duke drejtuar motomjetin, është rrëzuar dhe për pasojë është dëmtuar.
Shtetasi E. B. u dërgua në spital, për ndihmë mjekësore.
Grupi hetimor po punon për zbardhjen e rrethanave të aksidentit.
Sipas informacioneve të mëtejshme, menjëherë pas aksidentit, drejtuesi i motomjetit ka shkuar vetë në Spitalin e Pogradecit, ku po merr trajtim mjekësor dhe ndodhet jashtë rrezikut për jetën. Mësohet se aksidenti ka ndodhur në kthesën e fundit të Pllocës, ku motori i është rrëshqitur në rrugë duke shkaktuar rrëzimin. Shtetasi italian ka pësuar dëmtime të lehta. Grupi hetimor vijon punën për dokumentimin e plotë të ngjarjes.
