- Advertisement -
Korçë – Procedim penal për 24-vjeçarin që dha deklaratë të rreme para Policisë
Policia e Korçës ka nisur procedim penal ndaj një të riu nga qyteti, pasi dyshohet se ka dhënë deklaratë të rreme para oficerit të policisë gjyqësore.
Në njoftimin zyrtar të Policisë thuhet:
“Nga specialistët për Hetimin e Krimeve të Komisariatit të Policisë Korçë u referuan materialet në Prokurori, ku filloi procedimi penal për shtetasin K. A., 24 vjeç, banues në Korçë, për veprën penale ‘Deklarata e rreme përpara oficerit të policisë gjyqësore’.”
Vijojnë hetimet për zbardhjen e plotë të rrethanave të këtij rasti, ndërsa materialet i janë referuar Prokurorisë për veprime të mëtejshme procedurale.
