Korçë, 30-vjeçari kapet duke vjedhur produkte ushqimore në një market
Një 30-vjeçar nga Korça është proceduar penalisht pasi u kap duke vjedhur produkte ushqimore në një market të qytetit.
Lajmi konfirmohet nga Policia e Korçës, e cila në një njoftim zyrtar bëri të ditur se specialistët për Hetimin e Krimeve referuan në Prokurori materialet për shtetasin R. K., banues në Korçë.
“Nga specialistët për Hetimin e Krimeve të Komisariatit të Policisë Korçë u referuan materialet në Prokurori, ku filloi procedimi penal për shtetasin R. K., 30 vjeç, banues në Korçë, pasi ka vjedhur produkte ushqimore në një market,” thuhet në njoftimin e Policisë.
Materialet hetimore tashmë janë në dorë të Prokurorisë së Korçës, që pritet të vijojë hetimet për këtë rast.
