Policia e Shtetit ka bërë me dije se janë referuar në Prokurori dy raste të ndryshme, që lidhen me shkelje të ligjit në qytetet e Korçës dhe Kolonjës.
Në qytetin e Korçës është proceduar penalisht një drejtues mjeti për shkak të një aksidenti me pasojë plagosjen e lehtë të një këmbësoreje. Ndërkohë, në Kolonjë është konstatuar një rast ndërtimi pa leje, ku po ashtu ka nisur procedimi penal ndaj një shtetasi.
Në njoftimin zyrtar të Policisë thuhet:
“Po nga këta specialistë u referuan materialet në Prokurori, ku filloi procedimi penal për shtetasin J. Q., 46 vjeç, banues në Korçë, për veprën penale ‘Shkelja e rregullave të qarkullimit rrugor’, pasi në lagjen nr. 14, me automjetin që drejtonte, ka aksidentuar lehtë një këmbësore.”
Ndërkohë, një tjetër rast është regjistruar në Kolonjë:
“Specialistët për Hetimin e Krimeve në Komisariatin e Policisë Kolonjë referuan materialet në Prokurori, ku filloi procedimi penal për shtetasin M. M., pasi u kap duke kryer punime ndërtimi pa leje.”
Policia njofton se vijon puna për ndjekjen ligjore të këtyre rasteve
