Para nisjes së takimit, fëmijët e Qendrës Kulturore në Shkodër dhuruan një performancë muzikore për të pranishmit në stadium, me një këngë dedikuar Vllaznisë.
-Shumë pak tifozë të pranishëm në stadium, numri i të cilëve nuk i kalon 800-900 persona.
-Tifozët “ngacmojnë” Gjokën në momentin kur Alia dëmtohet. “Futu ti në portë tani”, ishin fjalët e të pranishmëve.
-Nasr konfirmon Vllazninë si viktimën e preferuar. Egjiptiani, pasi u kishte shënuar 2 herë këtë sezon kuqebluve me fanellën e Teutës, ripërsërit veten ndaj shkodranëve edhe me fanellën e Skënderbeut.
-Brdariç gati sa nuk kap me duar gjyqtarin e katërt, Hamiti, për një faull të padhënë ndaj Dodajt sipas gjermanit.
-“Çmendet” Brdariç, trajneri i Vllaznisë u hakërrehet Çobës dhe Jukajt që nuk kuptohen mes tyre, duke rrezikuar golin e dytë në portën shkodrane.
-Tifozët shkodranë shfaqen të pakënaqur me performancën e skuadrës së tyre në pjesën e parë.
-Bajrami i drejtohet gjyqtarit Alla për një vonesë të Alias në momentin për të rivënë topin në lojë. “1 orë po presim”, ishin fjalët e mbrojtësit të Vllaznisë.
-Duartrokitje të shumta për Qaton në momentin që mesfushori lë fushën për Mensah.
-Ironike thirrjet e tifozëve shkodranë nga tribuna në momentin kur rezultati ishte 1-1: “Avash-avash, se në fitore jemi”.
-Ka pakënaqësi në fundin e ndeshjes tek tifozët shkodranë, të cilët kërkojnë “llogari” tek trajneri Brdariç.
-Skuadra shkodrane, në përfundim të ndeshjes, ka pasur edhe një vizitë nga ish-mbrojtësi i ekipit, Mevlan Adili, i cili aktualisht është pjesë e Shkëndijës në Maqedoninë e Veriut./panorama.sport
