Edhe pse interesimi nga tifozët elbasanas nuk është më ai i javëve të para, sërish prezenca e tyre ishte e kënaqshme me afro 2 mijë të pranishëm. Ja momentet më pikante nga “Panorama Sport”. Siç ndodh shpesh grupimi ultras i verdhebluve, por edhe tifozë nga tribuna karshi, janë të “armatosur” me kapsolla, për t’i hedhur herë pas here.
* Duket se Elbasani nuk ka ndërmend t’i heqë më fanellat e fatit, ato me nuanca të zeza që pati edhe ndaj Partizanit. Nuk është uniforma e tyre që jemi mësuar t’i shohim, por në këtë moment kanë nevojë edhe për fatin me vete.
* Ernest Gjoka tërbohet me gjykimin pas ndërhyrjes ndaj Amadou në mesin e fushës në minutën e 32-të, ku për pak Elbasani shënoi. Gjoka shkoi të ankohej te gjyqtari i katërt jo pak i nervozuar.
* Siç po ndodh në ndeshjet e mbrëmjes, edhe dje në Elbasan u ndal loja për të çelur iftarin për futbollistët që agjërojnë. Në një moment në pjesën e dytë Gjoka “rrëmben” topin pas një anësoreje, ndoshta edhe për të vonuar paksa lojën.
* Për të fituar sekonda të vlefshme, Skënderbeu bën gati të fusë në lojë Franklin. Mirëpo, zëvendësimi nuk kryhet, sepse gjyqtari vërshëllen fundin e sfidës.
PANORAMASPORT.AL
