Është zhvilluar në Prefekturë takimi i katërt i Komitetit Pilotues me përfaqësues nga institucionet qëndrore e vendore, Ambasadoren e Republikës së Francës znj.Catherine Suard dhe ekspertin e qeverisë franceze Jérôme Lebars dërguar në Korçë për këtë qëllim.
Rihapja e Liceut Francez të Korçës është jo thjesht një rikthim në të shkuarën e ndritur të këtij institucioni arsimor e kulturor, por sidomos një mundësi e shkëlqyer për dhjetra nxënës shqiptarë e nga vendet e rajonit për t’u shkolluar në një institucion arsimor të standardeve europiane, që do t’u hapë rrugën më pas drejt universiteteve prestigjioze kudo në botë.
➡️ Në takimin e planifikuar të Komunitetit Politik Europian që do të zhvillohet në Tiranë në datë 16 maj me liderët europianë, Presidentit Macron do i prezantohet edhe ecuria e këtij projekti të rëndësishëm për Korçën.
