Kapshticë: Pavarësisht se ishin njoftuar që ditën e djeshme se nuk do të lejoheshin të kalonin nga P.K.K Kapshticë, ende ka kamionë dhe autobusë në pritje. Kjo situatë ka shkaktuar vonesa mbi 2 orë. Nuk ka ndryshime nga autoritetet greke sa i përket njoftimit paraprak.
Deri në një njoftim të dytë nga pala greke, do të vazhdojë ndalimi i kalimit të mjeteve të tonazhit të rëndë, përfshirë kamionët dhe autobusët. Nga Drejtoria e Kufirit dhe Migracionit po komunikohet herë pas here me palën greke për zgjidhjen e situatës.
Sipas burimeve, mësohet se shkak për kufizimet në doganën e Kapshticës është bërë dëbora e shumtë në Grevena, një qytet jo shumë larg doganës. Autoritetet greke po punojnë për pastrimin e aksit Doganë-Grevena dhe më pas pritet që të hapet kalimi për mjetet.
