Në vijim të informacionit të dhënë ditën e djeshme, për një aksident në fshatin Voskopojë, si pasojë e të cilit u dëmtuan drejtuesi i motomjetit dhe pasagjerja (të cilët vijojnë të jenë në kujdesin e mjekëve), informojmë se Komisariati i Policisë Korçë arrestoi në flagrancë drejtuesin e motomjetit, shtetasin E. H., 37 vjeç banues në Tiranë.
Gjithashtu, për këtë rast u referuan materialet në Prokurori ku filloi procedimi në gjendje të lirë për shtetasin J. H., 50 vjeç, pasi ka larguar motomjetin nga vendi i aksidentit, si dhe për shtetasin A. B., 30 vjeç, pasi i ka dhënë me qira motomjetin shtetasit E. H., pa qenë i pajisur me dokumentacionin përkatës për dhënien me qira të kësaj kategorie motomjetesh (off-road) dhe pa i dhënë kupon tatimor. Motomjeti u sekuestrua në cilësinë e provës materiale.
