- Advertisement -
Reshjet e dëborës po vazhdojnë me intensitet të lartë në zonën juglindore. Në fshatin turistik të Dardhës, trashësia e dëborës ka arritur nga 10 deri në 15 cm, dhe lëvizja e automjeteve është e mundur vetëm me goma dimërore.
Ndërkohë, në akset kombëtare Korçë-Ersekë dhe Korçë-Kapshticë, dëbora ka arritur një trashësi prej 10 cm, ndërsa në Voskopojë kjo shifër shkon deri në 15 cm.
Pavarësisht se deri tani nuk janë raportuar pengesa në qarkullim, drejtuesit e mjeteve këshillohen të jenë të kujdesshëm. Reshjet pritet të vazhdojnë përgjatë gjithë natës në rajonin juglindor.
