- Advertisement -
Kapshticë: I gjejnë drogë në kamion, policia arreston babë e bir nga Tirana në pikën e kalimit kufitar
Në pikën e kalimit kufitar të Kapshticës, policia ka arrestuar babë e bir nga Tirana, pasi në kamionin e tyre u gjet një sasi droge prej rreth 50 kg, e dyshuar si kanabis. Sipas informacioneve, droga kishte si destinacion Greqinë dhe më pas Turqinë.
Të arrestuarit kanë deklaruar se nuk kishin dijeni për praninë e lëndës narkotike të fshehur në kamion. Sipas burimeve zyrtare, droga u zbulua gjatë kontrollit rutinë me skaner, ku lënda narkotike ishte e fshehur në rimorkion e mjetit.
Policia ka nisur hetimet dhe dyshohet për përfshirjen e personave të tjerë në këtë rast. Hetimet po vijojnë për të zbuluar rrjetin e mundshëm të trafikimit.
