Korçë: Pësojnë defekt sahatet e ujit në një pallat në lagjen nr. 4 të qytetit.
Si pasojë e djegies së sahateve ka prani të madhe tymi. Nga paniku, banorët kanë dalë jashtë ndërkohë që po ndërhyhet për të pastruar të gjithë ambientin, ndërsa drejtoria e ujësjellësit do të bëjë ndërprerjen e ujit deri në rregullimin e plotë të sahateve të djegura.
Banori 1: “Ne pamë fillimisht tym në koridor, pastaj hapëm derën e ujësjellësit ku kalojnë tubat e ujit. Kishte rënë zjarr. Ne e shuam dhe lajmëruam zjarrfikësen, e cila erdhi shpejt. Tani i gjithë pallati është përmbytur nga uji, të gjitha tubat janë çarë. Ujin e kanë ndërprerë, dhe kemi mbetur të gjithë jashtë. Në katet e larta nuk hyn dot nga tymi; kati i katërt është krejtësisht i padukshëm.”
Banori 2: “Shpërthyen tubat e ujit, u çanë, dhe uji mbushi gjithë ambientin. Tym dilte lart, por nuk e dimë se nga vinte. Kur na thanë të dilnim jashtë, lajmëruam zjarrfikësen. Ata erdhën, ndërprenë ujin, por tani nuk kemi as drita dhe nuk e dimë si do të vazhdojë situata.”
Banori 3: “Ra zjarr në katet e larta dhe shpërthyen tubat e ujit. Banorët e kateve të sipërme ishin më të rrezikuarit. Ne dolëm jashtë menjëherë për të shmangur çdo rrezik.”
