Operacioni policor që ka nisur sot në mesditë në qarkun e Korçës vijon ende, ku ka persona që janë në kërkim nga policia. Sipas burimeve paraprake të policisë, janë sekuestruar rreth 60 kg lëndë narkotike kanabis sativa të përgatitur për shitje, si dhe më shumë se 100 bimë në proces tharjeje. Nderkohe jane arrestuar 6 person
Policia e Korçës vazhdon me procedurat hetimore për të identifikuar nëse ka persona të tjerë të përfshirë në këtë veprimtari. Momentalisht, i shpallur në kërkim është një shtetas banor në Voskop, i cili duket se organizonte veprimtarinë dhe kishte punësuar edhe persona për përpunimin e lëndëve narkotike.
Përveç hetimeve brenda qarkut, po hetohen edhe nëse ka persona të tjerë të përfshirë nga qarqe të tjera, nga ku ka ardhur lënda narkotike, drejt juglindjes. Pritet që policia të dalë me një reagim zyrtar mbi detajet e plota të operacionit, i cili duket se është ende në zhvillim.