Dy aksidente janë regjistruar pasditen e sotme njëra pas tjetrës në aksin nacional Pogradec-Qafë Thanë. Aksidenti i parë ka ndodhur në Buqezë, në afërsi të Linit, ku policia raporton për një mjet që ka dalë nga rruga, ndërsa aksidenti i dytë ka ndodhur në afërsi të fshatit Piskupat.
Të dy aksidentet, sipas raportimeve të policisë, kanë shkaktuar vetëm dëme materiale. Shkak i tyre dyshohet të jetë lagështira në rrugë për shkak të motit me shi.