- Advertisement -
Në lagjet e Pogradecit së fundmi janë vendosur pengesa për uljen e shpejtësisë së automjeteve, por siç duket për të “kursyer” bashkia e Pogradecit ka vendosur ndarësit që dikur përdoreshin për të veçuar korsinë e biçikletave që nuk rezistoi gjatë. Edhe pse limituesit e shpejtësisë janë të nevojshëm në këto zona, materialet që janë vendosur nuk janë të përshtatshëm, pasi vetë përdoruesit e rrugës shprehen të shqetësuar se ato po krijojnë dëme tek mjetet e tyre.
Disa herë është dërguar apel në institucionin e bashkisë për këtë çështje, por përsëri nuk është marrë as një masë. Në redaksinë e Pogradecipress.al ka mbërritur ky shqetësim, ku qytetarët thonë se duhet të ketë limitues shpejtësie, por ato të jetë të padëmshme për mjetet e tyre.
