- Advertisement -
Situata e reshjeve në Qarkun Juglindor
Qarku i Korçës ditën e sotme është përfshirë nga reshje shiu me intensitet të ulët deri në mesatar, të shoqëruara me erë. Sipas informacioneve, të gjitha akset rrugore janë të kalueshme pa probleme, ndërsa rekomandohet kujdes për drejtuesit e automjeteve në qarkullim. Në zonën e Koritës në Maliq janë evidentuar reshje breshëri, por momentalisht nuk raportohet për dëme në sektorin bujqësor. Reshjet e shiut kanë bërë që vatrat e zjarrit aktive prej 15 ditësh në Malin e Thatë të shuhen dhe situata të kthehet në normalitet. Në qytetet e qarkut ka prezencë të reshjeve të shiut, por situata është normale për stinën.
