- Advertisement -
Këtë fundjavë në qytetin e Pogradecit do të zhvillohet për herë të parë Festivali i Peshkatarëve, një ngjarje që do të sjellë në fokus traditën e hershme të peshkimit përmes aktiviteteve të shumta.
Bledi Mane, organizatori i këtij festivali, tregon se Pogradeci u zgjodh qëllimisht si vendi i nisjes së këtij festivali, pasi është një qytet ku peshkimi ndërthuret me artin. Sipas Manes, ky festival do të jetë një test për të gjithë ata që thonë se këtë vit nuk ka turistë.
Për tre netë radhazi, do të ketë koncerte me zëra të njohur të muzikës popullore dhe tradicionale, specialitete të peshkimit në kulinari dhe merkato peshqish.
